Muazzif saarif,

Duru practice , 2New Radcliffe street ,Oldham OL1 1NL kay sath munsalik sarifeen kay liye aham maloomaat.

Hum ap ko batanay ja rahay hain kay Duru Practice ko pichlay taqreeban 8 maah se iss ki care quality kay liye mukhtalif idaray janch rahay hain, jis main care quality commission, NHS England aur Manchester integration care board nay is practice ko Dr. Duru kay zaire nigrani kaam kernay se rok deney ka faisla kia hay. So nateejatan , Dr. Duru ab mazeed is practice ko nahi chala saktay or ye hukum fori lagu ho ga.

Hum jantay hain kay ye faisla ap ko pershan ker sakta hay , lekin hum ap ko batatay chalain ap ko kuch bhi nahi kerna hay or na hi ap se ye practice ya GP services lay li jayain gi.

Hum isi practice ko aik naye idaray kay zere asar day rahay hain, jo ap ko isi mojuda building main reh ker ap ko GP services muhayya karay gi. Ye idara ap ko tab tak care ki sahuliyaat muhayya kerti rahay gi jub tak ap ko koi mustakil care service ka bandobast na ker dia jaye.

Hum ap ko mundarajazail baton ki tassalli detey hain:

1. Ap Duru practice kay sath hi munsalik rahain gay , aik mareez ki hesiyat se
2. Ap practice ka mojuda number 0161 271 3160 hi istimal kerain gay
3. GP services ap ko isi Duru practice se pehlay ki terha hi dastyaab hon gi
4. Ap GP ki appointment ya dawayi ki parchi kay liye pehlay ki terha isi practice ko istimal kerain gay
5. Ap ki jo bhi mojuda appointments hain wo essay hi jari rahain gi apnay muqqarara waqt per, ma siwaye un kay jin ko tabdeel kernay ka kaha jaye ga.

Agar ap Duru practice sey mutaliq koi bhi swal rakhtay hain to mehrbani ferma ker customer care team ko is number par 079 6674 6117 ya is email gmicb.old.customercare@nhs.net per rabta ker saktay hain.

Hum anay walay saal main ap ko is GP services se mutalliq kisi bhi terha ki tabdeeli kay baray main mazeed agah kertay rahain gay.

Shukria

Dua gho,

Mike Barker

Oldham place lead for health and care integration.

NHS Greater Manchester.